Vučjake školaki komisja kaj mukelpes andre žalba

Vučjake školaki komisja kaj mukelpes andre žalba si jekh pîtêřdi institutzije kaski butči si te šunel pe kodja žalba savi mukelpes pe kris save delpes ando vučjake školaki sektoro aj ande škola maj barengi. Vučjake školaki komisja kaj mukelpes andre žalba si o palutno than kaj mukelpes žalba aj laki kris naštilpe maj te pharuvelpes.

Sar mukelpes andre žalba

Te si ke varikon kamel te mukel andre ke komisja žalba pe jekh kris savi deaspes, atunči musaj te ramol jekh lil. Ando lil musaj te ramos pe savo kris mukes žalba aj sar, pala leste vaj pala laste, trebul e kris te pharuvelpes. O razlogo sostar gindilpes ke e kris trebul te pharuvelpes musaj te avel jazno ando lil. Ando lil musaj te ramolpes vi o adreso, (telefono, aj internetosko adreso) aj o lil trebul sêmnome. Numa kodo saveske e kris kerdealeske nekaso shaj te mukel andre numa žalba pe kodja kris.

Kaj biśavelpes e žalba?

O Lil biśavelpes vaj mukelpes direkto andre ke kodja vučjake školaki institutzije save dínetut infortmatzia pa e kris. Kodo si ke ci biśaves e žalba direkto andre kaj e Vučjake školaki komisja kaj mukelpes andre žalba. Kaj exakto, kamas te phenas savi si e institutzia katar deapes e kris, kaj tu trebus te biśaves e žalba musaj te avel xramosardo ando lil pe savo avileatuke informatzie pe e kris.

Ži kana shaj te biśavelpes e žalba

E žalba musaj te arasel andre ke krisaki institutzia na maj palal trin kurke de kana primisardjan vjasta pe kris.

Kana si jekh situacija pe jekh buči, atunči ginavelpes e vramja katar kodo džes kana sas e informatzia pe kris thodini avri pe sićarimoske tabla.

Si but važno te biśavelpes e žalba ne lashi vramja. Te si ke varikon či biśavel e žalba ne lashi vramja, atunči shaj te na nakhavelpes e žalba.

O proceso pa e žalba

Kana e žalba arasel kaj e vučjake školaki institutzije savi řespondil te del e kris, jekh angluno kontrolo kerelpes te rodelpes te si ke o lil biśadeapes ne lashi vramja. Univar shaj ke e vučjake školaki institutzije pharuvel direkt peski kris. Te si ke či kerelpes kodo, atunči e žalba aj sa le aver rama biśavenpen maj dur ke Vučjake školaki komisja te kontrolilpes.

Kana e Vučjake školaki komisja kaj mukelpes andre žalba primisardea sa le lila aj vi o gindo katar o universiteto, e vuči škola vaj e butiake škola atunči lel pe o processo. E komisia bišavel pesko gindo ke kodo kaj mukleas andre e žalba savo vi vo shaj te phenel pharpale so si lesko gindo ke komisije.

E vramja sode duril lelpes pala so fealo situacija si. Normalno lelpes e decizija te si ke nakavelpes e žalba ne varekana kurke, kana pe aver studentzonke tŕeburja vaj bučiake tŕeburja shaj te lel varekana śona.

Vučjake školaki komisjake krisa tholpes publiko anglunes kana o komisjako prezidento laśardja e kris. E kris bišavelpes kodoleske kaj muklea andre e žalba aj ke universitatja, vučjake škola aj butiake škola. Kana si jekh situacija pa buči bišavelpes vi kodoleske kaj lea e buči.

Pe kadala krisa shaj te mukelpes andre žalba

Krisa katar statoske universiteturja aj vučjake škola ne kadala situaciji (12 kap. 2 § Vučjake Skolaki Ram, 1993:100):

  • Kris te delpes buči pa universiteto vaj vučjake škola (na kana delpes buči sar doktoro),
  • Kris savi sikavel ke naštil te avel andre te lel jekh sičarimasko aj kris po kodo ke ci kerelpes exceptzije katar kodo so si leske musaj te avel andre ne škola vi po angluno nivelo aj vi po nivelo anvansame,
  • Kris pe savo kridito delpes pe jekh educatzia vaj bučiake aktiviteto,
  • Kris kana refusilpes studentzoke manglimos te avel muklino te na pirel jekh skolaki momento,
  • Kris savi cîrdel palpale sičarimaske love pe jekh doktoro študentoke ažutimos aj kris ke či maj den le dotoreke palpale le love, aj
  • Refuso nakhepes e molba katar jehk študento savo manglea jekh diploma vaj jekh certifikato pe jekh kurso.
  • Kris te či muken študentoke savo dino andre ke jekh kurso vaj jekh programo angluno aj o avansime cikluso, te len pausa katar o kurso vaj te djean maj dur le kursoca pale jekh pausa.

Kris karing jekh universiteto vaj jekh statoske vuči škola ando kodo bajo ke e kris phaǧol o čačimos te na aves diskrimine aj ke si oprime te kerelpes nekadzjo parpale (Ram pe Diskriminatzie, 2008:576).

Krisa pa le molburja ne save mangelpes te denpen palpale fondurja doktorenge (Ram (1995 :938) pal fondurja doktorenge).

Kris ne savi karing jekh universiteto vaj karing jekh vuči škola den decizja te phandaven jekh studentzonge organizatzia vaj ke jekh studentzonge organizatzia naštil te avel sa kodo fealo (Ram katar le Studentzorenge Uniunía (2009 :769).

Kris te phandavel avri jekh studento savo či počindja o sičarimasko počin (Ram 2010 :543) pa molbaske počin aj sičarimasko počin kol universiteturja aj vučjake školi).

Kris pa edukatziake fondurja so denpen študentzorenge (ram (2016 :706) maj dur pedagogisko edukatzia savi ingerel maj dur ke jekh profesorengi diplomo kol manuš save silen diplomo sar rodimaske experto).

Kana si te lepes ande bučijke škola pe kadala krisa shaj te mukelpes andre žalba (ram (2009 :130) pa o Vučjake škola bučijke): Kris katar jekh skolake responsabilo ke refusilpes jekh študentzoke molba te lelpeske dovada pa e diploma vaj pe jekh kurso.

Maj but opral palo rama, pe kadala krisa katar jekh universiteto vaj katar jekh vuči škola savo silen o stat sar šêrutno shaj te mukelpes žalba :

  • kris kaj sikavel ke jekh študento najle so trubul te del andre ko kurso vaj ke škola aj
  • kris kaj či pinžarel maj angluno sičarimos

Krisa katar e Svedisko agentzia pa le Vučjake škola bučijke sar si ando Ram (2015:545) jekh Sičarimasko plano pe antrego traio.

Kontakto

Överklagandenämnden för högskolan (Vučjake školaki komisja kaj mukelpes andre žalba)
Box 7249
SE-103 89 STOCKHOLM Sverige

Telefono: + 46 (0)8 563 087 00
Faxo: + 46 (0)8 563 085 50
Internetoski lil: onh(at)onh.se