Jïlleskuvlen klååkememoenehtse

Jïlleskuvlen klååkememoenehtse lea reereme mij klååkemijgujmie sjïere nännoestimmijste universiteetine, jïlleskuvline jïh barkoe-jïlleskuvline baarkieh. Klååkememoenehtsem lea minngemes reereme dah aamhtesinie. Dïhte säjhta jiehtedh ahte ij gåeredh klååkememoenehtsen nännoestimme gïelkerdidh.

Klååkedh

Jis sïjhth akte nännoestimmesne jïlleskuvlen klååkememoenehtsasse klååkedh, dle edtjh tjaeledh. Tjaalegisnie edtjh tjaeledh magkeres nännoestimmien bïjre lea, jïh maam sïjhth jeatjadehtedh. Dïhte aaj vihkeles ahte tjaelminie man åvteste datne sïjhth nännoestimmiem jeadtjadehtedh. Byörh aaj jïjtje nommem jïh påastesijjie tjaeledh. (Hijven jis telefovnenummere jïh e-påaste aaj meatan). Barre dïhte mij nännoestimmiem däjpa maahta klååkedh.

Gåabph klååkemem seedtedh?

Tjaalegem edtjh universiteetese, jïlleskuvlese jallh barkoe-jïlleskuvlese maam næannoestimmiem veedteme seedtedh. Maahtah aaj tjaalegem skuvlesne laehpedh. Ih edtjh tjaalegem jïlleskuvlen klååkememoenehtsasse seedtedh. Gåabph edtjh tjaalegem seedtedh pråvhka nännoestimmesne tjåadtjodh.

Klååkh rïektes tijjemieresne

Klååkemem edtja nännoestimmiemoenehtsasse golme våhkoej sisnjelen båeteme, dle ryöknesovveme don biejjieste goh datne nännoestimmiem åadtjoejih .

Gosse lea barkoe bïjre, dle tïjjem ryøknesåvva don biejjeste gosse bïevnesem nännoestimmien bïjre skuvlen gåajkoe bööti

Dïhte lea vihkeles rïektes tïjjemieresne klååkedh. Jis ih dam darjoeh, dle klååkemem maahta nyöjhkeme sjïdtedh.

Gïetedalleme klååkemistie

Gosse klååkemem skuvlese båeteme, dle voestegh vuejnieh jis rïektes tïjjemieresne båeteme. Jis dam dorjeme, dle vijriebasse klååkine barkieh. Muvhtine skuvlem maahta nännoestimmiem maam aerebi vedteme jetjadehtedh. Jis ij deahpa, dle dov klååkeme, jeatjah paehperihujmie, jïlleskuvlen klååkememoenhtsasse seedtesovvieh.

Gosse klååkememoenehtsem paehperide jïh soptsestimmiem skuvleste åådtjeme, dellie aelkieh aamhtesem gïetedalledh.

Moenehtsem akte soptsestimmie klååkemistie seedtieh, disse gie klååkemem laehpeme, juktie dïhte aaj åadtjoe sov åssjalommh aamhtesen bïjre vedtedh.

Barkoetïjjem barkoste barkose målsohte. Dåhkasjimmie-aamhtesine sïejhmemes ahte svåaroe männgan göökte vååhkoeh åadtjoe. Jeatjah skuvle-aamhtesh jïh barkoe-aamhtesh maehtieh såemies askh vaeltedh.

Klååkememoenehtsem akte nännoestimmie bäjhkoehtieh gosse moenehtsen åejvie nännoestimmiem sjïehteme. Nännoestimmiem dovne disse maam klååkeme jïh skuvlen gåajkoe seedtesovvieh. Jis lea barkoe bïjre, dle dïhte gie barkoem åadtjoeji, nännoestimmiem aaj åadtjoe.

Dah nännoestimmine maahtah klååkedh

Nännoestimmie staateles universitetijste jïh jïlleskuvlijste dah tsiehkine (12:n kapïhtele 2§ jïlleskuvlenjoelkedassem, 1993:100)

  • Nännoestimmie barkoe bïjre, aktene univeristetesne jallh jïlleskuvle (ij gosse lea doktorande-barkoen bïjre)
  • Nännoestimmie mij lea dan bïjre ahte akte syökere ij krïevenasside dievhtede, jïh nännoestimmie mij lea dan bïjre ahte ij edtjh sjïere mieriedimmie maahtoe-njoelkedassijste darjodh gosse edtja syökerem dåhkasjehtedh.
  • Nännoestimmie man bïjre lea jis akte almetje åadtjoe ööhpehtimmie jallh barkoe meatan ryöknedh gosse syökede.
  • Nyöjhkeme akte studenten gïhtjedimmesne, ahte ij edjth daarpesjidh aktene veadtaldihkie momeentesne meatan årrodh.
  • Nännoestimmie ahte viertieh akte doktoranden dotkeme-øøhpehtimmeste bååstede vaeltedh, jïh nännoestimmie ahte akte doktorande ij edtjh vierhtide bååstede åadtjodh.
  • Nyöjhkeme gïhtjedimmesne ahte eksaamene jallh kuvsjejååhkesjimmie åadtjodh.
  • Nännoestimmie ahte ij tïjje vedtedh disse mij sijjie aktene ööpehtimmesne åtna, jïs säjhta ööhpehtimmiem aelhkedh jallh jåerhkedh männgan aastoe ööhpehtimmeste vaalteme.
  • Nännoestimmie akte universiteteste jallh jïlleskuvle, staaten åejvine, dan gaavhtan nännoestimmiem irhkemenihtemem jallh nihtemem bysvehtside sträjra. (Irhkemelaake, 2008:576)
  • Nännoestimmie ahte ööhpehtimmievierhtie doktoranide bååstede krïevedh (Njoelkedassem (1995:938) ööhpehtimmievierhtie doktorandide bïjre)
  • Nännoestimmie akte universiteteste jallh jïlleskuvle, ahte studeentedåehkiem studeentekåårese darjodh, jallh jis akte studeentekååre ij edtjh kååre vielie årrodh. (Studeentekååre-njoelkedassem 2009:543)
  • Nännoestimmie ahte studeentem geerelidh, dan gaavhtan ij øøhpehtimmieskaehtiem maeksieh. (Njoelkedassem (2010:543) bäjhkoehtimmie jïh ööhpehtimmieskaehtien bïjre, universitetine jïh jïlleskuvline)
  • Nännoestimmie ööhpehtimmievierhtien bïjre (Njoelkedassem (2016:706) pedagogihkeles lissieööhpehtimmien bïjre, maam faagelohkehtäjja-eksaamene veadta, almetjide mah eksaamene dotkemedaltesne utnieh)

Gosse lea ööhpehtimmien bïjre, barkoe-jïlleskuvlesne, dle maahta dah nännoestimmine klååkedh (njoelkedassem (2009:130) barkoe-jïlleskuvlen bijre): Nännoestimmie akte ööhpehtimmie-öörniehtæjjaste, nyöjhkemen bïjre, akte studeenten gïhtjedimmesne eksaamene jallh kuvsjejååhkesjimmie åadtjodh,

Njoelkedassen mietie, maahtah aaj dah nännoestimmine, universiteteste jallh jïlleskuvleste (staaten åejvine) klååkedh:

  • Nännoestimmie mij lea dan bïjre ahte akte syökere ij maahtoe-kvrïevenasside dievhtede.
  • Nännoestimmie man bïjre lea jis akte almetje åadtjoe øøhpehtimmie meatan ryöknedh.

Nännoestimmie man bïjre lea magkeres daltesasse akte maahtoe svååroe. (njoelkedasse (2015:545) vuesihetimmie-njoelkedasse maahtoen bïjre.

Gaskese

Jïlleskuvlen klååkememoenehtse
Box 7249
SE-103 89 STUEHKIE
Sveerje

Tel: + 4 6 (0)8 563 087 00
Fax: + 46 (0)8 563 085 50
E-mail: onh(at)onh.se